0:00
/
1ܘܥܒܼܸܪܹܗ ܝܼܫܘܿܥ ܡܸܢَܕܪܸܫَ ܓܵܘ ܟܢܘܼܫܬܵܐ: ܘܐܝܼܬ ܗ݇ܘܵܐ ܬܵܡܵܐ ܚܲܕَ ܐ݇ܢܵܫܵܐ ܕܒܪܝܼܙܬܵܐ ܗ݇ܘܵܐ ܐܝܼܕܹܗ. 2ܘܢܵܛܪܝܼ ܗ݇ܘܵܘ ܠܹܗ: ܕܐܸܢ ܒܵܣܸܡ ܗ݇ܘܵܐ ܠܹܗ ܒܫܲܒܬܵܐ: ܕܡܵܚܝܼ ܗ݇ܘܵܘ ܕܲܪܗܲܩܹܗ. 3ܘܐَܡܝܼܪܹܗ ܠܗ̇ܘ ܐ݇ܢܵܫܵܐ ܕܐܝܼܬ ܗ݇ܘܵܐ ܠܹܗ ܐܝܼܕܵܐ ܒܪܝܼܙܬܵܐ ܩܘܼܡَ ܒܒܹܝܦܲܠܓܵܐ. 4ܘܐَܡܝܼܪܹܗ ܐܸܠܵܝܗܝ: ܒܕܲܣܬܘܼܪ ܝ݇ܠܵܗ̇ ܒܫܲܒܬܵܐ ܠܸܥܒ̣ܵܕܵܐ ܕܨܦܵܝܝܼ: ܝܲܢ ܠܸܥܒ̣ܵܕܵܐ ܕܣܸܪܝܵܐ: ܓܵܢܵܐ ܠܡܲܚܘܼܝܹܐ ܝܲܢ ܠܬܵܠܘܿܩܹܐ: ܐܝܼܢܵܐ ܐܵܢܝܼ ܫܬܝܼܩܹܐ ܗ݇ܘܵܘ. 5ܘܚܸܪܹܗ ܒܝܼܵܝܗܝ ܒܟܲܪܒܵܐ: ܟܲܕ ܦܫܝܼܡܵܐ ܥܲܠ ܩܸܫܝܘܼܬܵܐ ܕܠܸܒܵܝܗܝ: ܘܐَܡܝܼܪܹܗ ܠܗ̇ܘ ܐ݇ܢܵܫܵܐ: ܦܲܫܸܛ ܐܝܼܕܘܼܟ. ܘܦܘܼܫܛܵܠܹܗ: ܘܬܪܸܨܠܵܗ̇ ܐܝܼܕܹܗ. 6ܘܦܠܸܛܠܗܘܿܢ ܦܪ̈ܝܼܫܹܐ ܕܲܪܣܵܥܲܬ ܥܲܡ ܕܒܹܝܬ ܗܹܪܘܿܕܸܣ: ܘܥܒܸܕܠܗܘܿܢ ܪܵܐܝܝܼ ܥܲܠܘܼܗܝ: ܕܵܐܟ̣ܝܼ ܕܬܵܠܩܝܼ ܠܹܗ. 7ܘܝܼܫܘܿܥ ܥܲܡ ܬܲܠܡܝܼܕܘܼ̈ܗܝ ܐَܙܸܠܹܗ ܠܟܸܣ ܝܵܡܵܐ. ܘܟܸܢܫܵܐ ܪܵܒܵܐ ܡ̣ܢ ܓܠܝܼܠܵܐ ܐَܙܸܠܹܗ ܒܵܬَܪܹܗ: ܘܡ̣ܢ ܝܼܗܘܼܕ. 8ܘܡ̣ܢ ܐܘܿܪܸܫܠܸܡ: ܘܡ̣ܢ ܐܲܕܘܿܡ: ܘܡ̣ܢ ܓܹܒܵܐ ܐ݇ܚܹܪ݇ܢܵܐ ܕܝܘܿܪܕܢܵܢ: ܘܚܵܕܸܪ̈ܘܵܢܹܐ ܕܨܘܿܪ: ܘܕܨܲܝܕܘܿܢ: ܟܸܢܫܹ̈ܐ ܪܵܒܵܐ ܕܫܸܡܥܝܹܐ ܗ݇ܘܵܘ ܟܠ ܕܒܸܥܒ̣ܵܕܵܐ ܗ݇ܘܵܐ: ܐ݇ܬܹܐܠܗܘܿܢ ܠܟܸܣܠܹܗ. 9ܘܐَܡܝܼܪܹܗ ܠܬܲܠܡܝܼܕܘܼ̈ܗܝ: ܕܡܲܝܬَܝܝܼ ܗ݇ܘܵܘ ܠܹܗ ܓܵܡܝܼ ܙܥܘܿܪܬܵܐ: ܣܵܒܵܒ ܕܟܸܢܫܹ̈ܐ: ܕܠܵܐ ܚܵܠܨܝܼ ܗ݇ܘܵܘ ܠܹܗ. 10ܣܵܒܵܒ ܠܪܵܒܵܐ ܒܘܼܣܸܡܠܹܗ: ܗܲܕܟ̣ܵܐ ܕܢܦܸܠܗܘܿܢ ܥܲܠܘܼܗܝ ܕܕܵܩܪܝܼ ܒܝܹܗ: ܟܡܵܐ ܕܐܝܼܬ ܗ݇ܘܵܘ ܠܗ݇ܘܿܢ ܡܲܚܘܵܬܹ̈ܐ. 11ܘܪ̈ܘܼܚܹܐ ܛܲܡܹ̈ܐܐ: ܐܝܼܡܲܢ ܕܚܙܹܐܠܗܘܿܢ ܐܸܠܹܗ: ܢܵܦܠܝܼ ܗ݇ܘܵܘ ܩܵܕَܡܘܼܗܝ: ܘܡܲܩܘܸܚܝܼ ܗ݇ܘܵܘ ܘܐܵܡܪܝܼ: ܐܲܢَܬ ܝܼܘܸܬ ܒܪܘܿܢܹܗ ܕܐܲܠܵܗܵܐ. 12ܘܪܵܒܵܐ ܢܓ̰ܘܼܠܹܗ ܒܝܼܵܝܗܝ: ܕܠܵܐ ܓܵܠܝܼ ܗ݇ܘܵܘ ܠܹܗ. 13ܘܐ݇ܣܸܩܠܹܗ ܠܛܘܼܪܵܐ: ܘܩܪܹܐܠܹܗ ܠܐܵܢܝܼ ܕܒܵܥܝܹܐ ܗ݇ܘܵܐ: ܘܐ݇ܬܹܐܠܗܘܿܢ ܠܟܸܣܠܹܗ. 14ܘܦܪܸܫܠܹܗ ܬܪܸܥܣܲܪ ܕܗܵܘܝܼ ܗ݇ܘܵܘ ܥܲܡܹܗ: ܘܕܫܵܕܸܪ ܗ݇ܘܵܐ ܠܗ݇ܘܿܢ ܠܡܲܟܪܘܼܙܹܐ. 15ܘܕܗܵܘܹܐ ܗ݇ܘܵܐ ܠܗ݇ܘܿܢ ܗܘܼܟܡܵܐ ܠܦܵܠܘܿܛܹܐ ܕܲܝܘܹ̈ܐ. 16ܘܡܘܼܬܸܒ̣ܠܹܗ ܠܫܸܡܥܘܿܢ ܫܸܡܵܐ: ܟܹܐܦܵܐ. 17ܘܠܝܲܥܩܘܿܒ̣ ܒܲܪ ܙܲܒ̣ܕܲܝ: ܘܠܝܘܿܚܲܢܵܢ ܐܵܚܘܿܢܹܗ ܕܝܲܥܩܘܿܒ̣: ܡܘܼܬܸܒ̣ܠܹܗ ܐܸܠܵܝܗܝ ܫܸܡܵܐ ܒܢܲܝ̈ ܪܲܓ̣ܫܵܐ: ܕܝܼܠܹܗ: ܒܢܘܿܢܹ̈ܐ ܕܪܲܥܡܵܐ. 18ܘܐܲܢܕܪܹܐܘܿܣ: ܘܦܝܼܠܝܼܦܘܿܣ: ܘܒܲܪ ܬܘܼܠܡܲܝ: ܘܡܲܬܲܝ: ܘܬܐܘܿܡܵܐ: ܘܝܲܥܩܘܿܒ̣ ܒܪܘܿܢܵܐ ܕܚܲܠܦܲܝ: ܘܬܲܕܲܝ: ܘܫܸܡܥܘܿܢ ܩܢܵܢܵܝܵܐ. 19ܘܝܼܗܘܼܕܵܐ ܣܟܲܪܝܘܿܛܵܐ: ܗ̇ܘ ܕܣܘܼܦܹܠܹܗ ܘܐ݇ܬܹܐܠܗܘܿܢ ܠܒܲܝܬܵܐ. 20ܘܡܸܢَܕܪܸܫَ ܓ̰ܡܸܥܠܹܐ ܟܸܢܫܵܐ: ܕܵܐܟ̣ܝܼ ܕܠܹܐ ܡܵܨܝܼ ܗ݇ܘܵܘ ܠܲܚܡܵܐ ܠܹܐܟ̣ܵܠܵܐ. 21ܘܫܡܸܥܠܗَܘܿܢ ܚܸܙܡܘܼ̈ܗܝ: ܘܦܠܸܛܠܗܘܿܢ ܠܸܕܒ̣ܵܩܹܗ: ܣܵܒܵܒ ܕܐܵܡܪܝܼ ܗ݇ܘܵܘ: ܡ̣ܢ ܗܵܘܢܹܗ ܦܠܝܼܛܵܐ ܝܠܹܗ. 22ܘܐܵܢܝܼ ܣܵܦܪܹ̈ܐ ܕܨܠܹܐܠܗܘܿܢ ܡ̣ܢ ܐܘܿܪܸܫܠܸܡ ܐܵܡܪܝܼ ܗ݇ܘܵܘ: ܒܥܸܠܙܒ̣ܘܿܒ̣ ܐܝܼܬ ܠܹܗ: ܘܒܪܹܫܵܐ ܕܕܲܝܘܹ̈ܐ ܦܵܠܘܿܛܹܐ ܝܠܹܗ ܕܲܝܘܹ̈ܐ. 23ܘܩܸܪܝܵܝܠܹܗ: ܘܒܡܵܣܵܠܹ̈ܐ ܐَܡܝܼܪܹܗ ܐܸܠܵܝܗܝ: ܕܵܐܟ̣ܝܼ ܡܵܨܹܐ ܣܵܛܵܢܵܐ ܠܣܵܛܵܢܵܐ ܠܦܵܠܘܿܛܹܐ. 24ܘܐܸܢ ܡܲܠܟܘܼܬܵܐ ܥܲܠ ܓܵܢܘܼܗ̇ ܦܵܝܫܵܐ ܕܘܼܒܵܪ: ܠܹܐ ܡܵܨܝܵܐ ܠܸܟܠܵܝܵܐ ܗ̇ܝ ܡܲܠܟܘܼܬܵܐ. 25ܘܐܸܢ ܒܲܝܬܵܐ ܥܲܠ ܓܵܢܹܗ ܦܵܐܹܫ ܕܘܼܒܵܪ: ܠܹܐ ܡܵܨܹܐ ܠܸܟܠܵܝܵܐ ܗ̇ܘ ܒܲܝܬܵܐ. 26ܘܐܸܢ ܣܵܛܵܢܵܐ ܩܵܝܸܡ ܥܲܠ ܓܵܢܹܗ ܘܦܵܐܹܫ ܕܘܼܒܵܪ: ܠܹܐ ܡܵܨܹܐ ܠܸܟܠܵܝܵܐ: ܐܸܠܵܐ ܐَܚܲܪܬܵܐ ܐܝܼܬ ܠܹܗ. 27ܐ݇ܢܵܫܵܐ ܠܹܐ ܡܵܨܹܐ ܥܵܒܸܪ ܓܵܘ ܒܲܝܬܹܗ ܕܙܲܪܒܵܢܵܐ: ܘܟ̰ܵܠܸܓ̰ ܡܸܢܕ̈ܝܹܗ: ܐܸܢ ܠܵܐ ܩܵܕَܡܵܝܬܵܐ ܐܵܣܸܪ ܠܙܲܪܒܵܢܵܐ: ܘܗ̇ܝܓܵܗ ܒܸܬ ܣܵܠܸܒ ܒܲܝܬܹܗ. 28ܬܪܘܿܨܵܐ ܒܹܐܡܵܪܵܐ ܝܘܸܢ ܐܸܠܵܘܟ̣ܘܿܢ: ܕܟܠܵܝܗܝ ܚܛܝܼܵܬܹ̈ܐ ܘܓܘܼܕܵܦܹ̈ܐ ܟܡܵܐ ܕܓܵܕܦܝܼ ܒܢܲܝ̈ܢܵܫܵܐ: ܒܸܬ ܦܵܝܫܝܼ ܫܒ̣ܝܼܩܹܐ ܐܸܠܵܝܗܝ. 29ܐܝܼܢܵܐ ܡ̣ܢ ܕܓܵܕܸܦ ܥܲܠ ܪܘܼܚܵܐ ܕܩܘܼܕܫܵܐ: ܠܲܝܬ ܠܹܗ ܫܒ̣ܵܩܵܐ ܠܥܵܠܲܡ: ܐܸܠܵܐ ܓܘܼܢܗܟܵܪ ܝܼܠܹܗ ܠܚܛܝܼܬܵܐ ܕܠܥܵܠܲܡ. 30ܣܵܒܵܒ ܕܐܵܡܪܝܼ ܗ݇ܘܵܘ: ܪܘܼܚܵܐ ܛܲܡܹܐܐ ܐܝܼܬ ܒܝܹܗ. 31ܘܐ݇ܬܹܐܠܗܘܿܢ ܝܸܡܹܗ ܘܐܵܚܘܿܢܘܵܬܘܼ̈ܗܝ: ܟܸܠܝܹܐ ܠܒܲܕܲܪ: ܘܫܘܼܕܸܪܗܘܿܢ ܠܸܩܪܵܝܹܗ ܠܟܸܣܠܵܝܗܝ. 32ܘܟܸܢܫܵܐ ܝܬܝܼܒ̣ܵܐ ܗ݇ܘܵܐ ܠܚܵܕܸܪ̈ܘܵܢܘܼܗܝ: ܘܐَܡܸܪܗܘܿܢ ܐܸܠܹܗ: ܗܵܐ: ܝܸܡܘܼܟ ܘܐܵܚܘܿܢܘܵܬܘܼ̈ܟ ܠܒܲܕܲܪ ܒܸܒܲܥܝܘܼܟ ܝܼܢܵܐ. 33ܘܓ̰ܘܼܘܸܒܠܹܗ ܘܐَܡܝܼܪܹܗ ܐܸܠܵܝܗܝ: ܡܵܢܝܼ ܝ݇ܠܵܗ̇ ܝܸܡܝܼ: ܝܲܢ ܐܵܚܘܿܢܘܵܬܝܼ̈. 34ܘܚܸܪܹܗ ܒܐܵܢܝܼ ܕܝܬܝܼܒܹܐ ܗ݇ܘܵܘ ܠܚܵܕܸܪ̈ܘܵܢܘܼܗܝ: ܘܐَܡܝܼܪܹܗ: ܗܵܐ: ܝܸܡܝܼ: ܘܐܵܚܘܿܢܘܵܬܝܼ̈. 35ܣܵܒܵܒ ܡ̇ܢ ܕܥܵܒܸܕ ܪܸܙܵܝܹܗ ܕܐܲܠܵܗܵܐ: ܗ̇ܘ ܝܼܠܹܗ ܐܵܚܘܿܢܝܼ ܘܚܵܬܝܼ ܘܝܸܡܝܼ.